Latviyada həkimlərin sayı azalır
Riqa, 3 oktyabr, AZƏRTAC
Latviyada həkim çatışmazlığı kritik həddə yetişib. Bu vəziyyət ölkə rəhbərliyini də narahat edir və operativ tədbirlər həyata keçirilməsini labüdləşdirir.
AZƏRTAC xəbər verir ki, Latviyanın rəsmi statistik göstəricilərinə əsasən, hazırda 1000 adama 2,5 tibb işçisi, 0,5 həkim düşür. Yüksəkixtisaslı mütəxəssislər başlıca olaraq Riqada toplanıb, digər şəhər və qəsəbələrdə vəziyyət daha acınacaqlıdır.
Buna səbəb həkimlərin daha yüksək əməkhaqqı təklif edən Avropa ölkələrinə getməsi, Latviyanın isə üçüncü ölkələrdən gələn mütəxəssislərə yer verməməsidir. Belə ki, son bir ildə hökumət yalnız 8 xarici həkimin ölkədə çalışmasına icazə verib. Onlardan biri də Azərbaycandan, digərləri isə Rusiya, Ukrayna, Belarus və Niderlanddandır. Ehtiyac duyulan əsas istiqamətlər isə nevroloq, otolarinqoloq, radioloq, ginekoloq, anestezioloq və reanimotoloqdur.
Aygün Əliyeva
AZƏRTAC-ın xüsusi müxbiri
Riqa
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar