İmişlinin bostan sahələrindən 2 min 500 ton məhsul yığılıb
İmişli, 24 avqust, Mahir Babayev, AZƏRTAC
İmişlidə bostan məhsulları yığımı yekunlaşmaq üzrədir. Torpaq mülkiyyətçiləri bu günədək əkdikləri bostan sahəsinin 70-80 faizinin məhsulunu yığıblar.
Rayon Statistika İdarəsindən AZƏRTAC-ın bölgə müxbirinə bildiriblər ki, bu il imişlili bostançılar 255,5 hektar sahədə bostan bitkisi əkiblər. Bunun 95 hektarını yemiş, 160,5 hektarını isə qarpız sahəsi təşkil edib. Məhsul yığımına vaxtında başlayan əkinçilər sahələrdən 2500 ton məhsul toplayıblar.
Artıq bostançılar qarpız yığımını başa çatdırıblar. Yemiş yığımı isə yaxın günlərdə yekunlaşacaq.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb