“İoT Lab”ın ali məktəb nümayəndələri üçün açılışı olub
Bakı, 29 iyun, AZƏRTAC
İKT LAB Tətbiq və Tədris Mərkəzində “Microsoft Azərbaycan” şirkəti ilə əməkdaşlıq nəticəsində yaradılan “İoT Lab” - Əşyaların İnterneti laboratoriyasının ali məktəb nümayəndələri üçün açılışı olub.
Nəqliyyat, Rabitə və Yüksək Texnologiyalar Nazirliyindən AZƏRTAC-a bildirilib ki, tədbirdə “İoT Lab”ın yaratdığı imkanlar və üstünlüklər izah edilib. Məqsəd ali məktəblərin innovasiya mərkəzləri və texnoparkları ilə əməkdaşlıq əlaqələrinin yaradılması, birgə layihələrin icrasını həyata keçirməkdir.
Tədbirdə həm də İKT LAB Tətbiq və Tədris Mərkəzinin, “Microsoft Azərbaycan” şirkətinin nümayəndələri çıxış edib. Onlar öz təqdimatlarında laboratoriyanın imkanları, universitetlərə və gənclərə verdiyi üstünlüklər barədə məlumat verib. Eyni zamanda, laboratoriya çərçivəsində ilk dəfə elan edilən “Microsoft İoT Lab internship” adlı yay təcrübə proqramı barədə məlumatlar verilib.
Təcrübə proqramına artıq 350-dən çox gənc qeydiyyatdan keçib. Bu gənclər müəyyən edilən tələblər üzrə imtahan olunacaq. İmtahandan uğurla keçənlər maraqlı təcrübə proqramında iştirak edəcəklər. Təcrübə proqramı çərçivəsində “Əşyaların interneti” istiqamətində real layihələr üzrə işlər aparılacaq. Uğurlu layihələr "BakuTel-2019" sərgisində təqdim ediləcək.
Proqrama qatıla bilməyən və zəruri bilikləri olmayan gənclər İKT LAB tərəfindən təşkil edilən təlimlərdə iştirak edə bilərlər. “İoT Lab” layihəsi, təcrübə proqramı və təlimlər haqqında daha ətraflı məlumatları iktlab.az saytından əldə etmək mümkündür.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb