Bərdəli kümçülər bu günədək 36,5 ton barama tədarük ediblər
Bərdə, 24 iyun, AZƏRTAC
Bu il 1000 qutu (19 min qram) ipəkqurdu toxumu bəsləyən Bərdə rayonunun kümçüləri hazırda barama tədarükünü davam etdirirlər.
Rayon statistika idarəsindən AZƏRTAC-ın bölgə müxbirinə bildirilib ki, artıq kümçülərin yetişdirdikləri 36 min 574 kiloqram məhsul “Azəripək” MMC-nin nümayəndələri tərəfindən qəbul edilib. Cari mövsümdə Bərdədə 40 tondan çox barama tədarük ediləcəyi gözlənilir.
Qeyd edək ki, Bərdə rayonunun xeyli inkişaf edən sahələrdən olan baramaçılıq 1990-cı illərin əvvəllərində tənəzzülə uğrasa da, 2016-cı ildə yenidən bərpa edilməyə başlanılıb. İpəkqurdunun yem bazasının bərpası məqsədilə 2016-2018-ci illərdə rayon ərazisində 400 min ədəddən çox tut tingi əkilib. 2016-cı ildə 4,5 ton, 2017-ci ildə 12,5 ton, ötən il isə 24,5 ton barama istehsal olunub.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb