Saatlıda indiyədək 76 tondan çox yun istehsal olunub
Saatlı, 17 iyun, Mahir Babayev, AZƏRTAC
Saatlıda qoyunçuluq əsas təsərrüfat sahəsi hesab olunur. Rayonda təsərrüfatın bu sahəsinə böyük maraq olduğundan sürülərdə davarların baş sayı ilbəil artır. Onlarla fermer təsərrüfatın bu gəlirli sahəsi ilə məşğul olur və yaxşı mənfəət götürürlər.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, hazırda rayonun təsərrüfatlarında 115 min 206 baş qoyun-keçi bəslənilir, bu da ötənilki göstəricidən xeyli çoxdur. Qoyunun əti və südü kimi yunu da yüksək qiymətə satılır və qoyunçular hər il yun istehsalından yaxşı mənfəət əldə edirlər.
Xeyli vaxtdır ki, rayonun qoyunçuluq təsərüfatlarında yun qırxımı aparılır. İndiyədək fermerlər bəslədikləri qoyundan ümumilikdə 76,2 ton yun qırxıblar. Hər qoyundan orta hesabla 1,3 kiloqram yun götürülür. Ötən il isə bu rəqəm 1,2 kiloqram olub.
Uzun illər qoyunçuluqla məşğul olan Əliəhmədli kəndli fermer təsərrüfatının rəhbəri Xankişi Əhmədov rayon üzrə yun istehsalında ən yüksək nəticə qazanıb. Təsərrüfat rəhbəri bəslədiyi 2 min başadək qoyunun hər birindən 1,7 kiloqram yun əldə edir. Ötən il isə fermer hər qoyundan 1,6 kiloqram yun götürüb.
Rayonun qoyunçuluq təsərrüfatlarında yun qırxımı davam edir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb