Qazaxda Kolorado kartof böcəyinə qarşı kimyəvi mübarizə tədbirləri aparılır
Bakı, 18 avqust, AZƏRTAC
Kənd Təsərrüfatı Nazirliyi yanında Dövlət Fitosanitar Xidmətinin Qazax Rayonu Bitki Mühafizəsi Mərkəzinin mütəxəssisləri tərəfindən Qazax rayonunun Cəfərli kəndində “Azərsun Holdinq” MMC-yə məxsus 138 hektar kartof sahəsində fitosanitar müşahidələr həyata keçirilib.
Nazirlikdən AZƏRTAC-a bildiriblər ki, 38 hektar sahənin Kolorado kartof böcəyi ilə sirayətləndiyi aşkar olunub. Sirayətlənmiş sahədə təsərrüfat subyekti hesabına kimyəvi mübarizə tədbirləri həyata keçirilib. Aparılan tədbirlər öz səmərəsini verib və sahələrdə Kolorado kartof güvəsinə rast gəlinməyib.
Qazax Rayonu Bitki Mühafizəsi Mərkəzinin mütəxəssisləri mütəmadi olaraq fermerlərlə görüşlər keçirir, kimyəvi preparatlardan vaxtında təlimata uyğun istifadə edilməsi və texniki təhlükəsizlik qaydalarına düzgün riayət olunması ilə bağlı tövsiyələr verirlər.
Karantin zərərvericisi sayılan Kolorado kartof böcəyi kartof, badımcan, pomidor, bibər, kələm və digər bitkilərə böyük ziyan vurur.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb