Qusar Dövlət Ləzgi Dram Teatrı paytaxt tamaşaçıları qarşısında çıxış edib
Qusar, 28 mart, Elxan Yusifli, AZƏRTAC
Qusar Dövlət Ləzgi Dram Teatrı Turqut Özakmanın “Adət” tamaşası ilə Teatr Xadimləri İttifaqının səhnəsində paytaxt tamaşaçıları qarşısında çıxış edib.
AZƏRTAC-ın bölgə müxbiri xəbər verir ki, tamaşa Mədəniyyət Nazirliyi və Azərbaycan Teatr Xadimləri İttifaqının təşkilatçılığı ilə həyata keçirilən “Qonaq teatr” layihəsi çərçivəsində təqdim olunub.
Əsərdə iki ailə arasında uzun illər boyu baş vermiş qan davasının acı nəticələrindən bəhs edilir. Bu ədavətə son qoya biləcək yeganə çıxış yolu isə sevgidir.
Əsərin quruluşçu rejissoru Əməkdar artist Xəzər Gəncəli, rəssamı Marina Mahmudova, musiqi tərtibatçısı Şaiq Qardaşovdur. Tamaşada Şəkufə Mirzəğayeva, Bağır Əhmədov, Rəhilə Hacıbəyova, Sədaqət Əlimuradova və başqa aktyorlar rol alıb.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib