Bakı Metrosunun iki stansiya və iki deposunda tikinti işləri aparılır
Bakı, 23 aprel, Elvin Camalov, AZƏRTAC
Bakı Metrosunun 2 stansiya və 2 deposunda tikinti işləri davam etdirilir.
AZƏRTAC xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev jurnalistlərə açıqlamasında deyib.
O bildirib ki, hazırda bir neçə istiqamətdə metro stansiyaların tikintisi davam etdirilir. "Bənövşəyi xətt"in üçüncü stansiyasında (şərti adı B3) tikinti işləri sürətləndirilib. Bundan əlavə Xocasən istiqamətində "Bənövşəyi xətt"in elektrik deposu mövcuddur ki, orada da tikinti işləri davam etdirilir.
N.Paşayevin sözlərinə görə, hazırda "Həzi Aslanov-2" stansiyasında və "Dərnəgül" elektrik deposunda da tikinti işləri həyata keçirilir.
AYNA taksi sürücüləri üçün təlimlərə başlayıb
Daha bir küçədə sürət həddi endirilib
“AzParking” mobil tətbiq istifadəçilərinin sayı artıb
ASCO üzrə bu ilin II rübündə təhvil verilən müxtəlif tullantıların həcmi açıqlanıb