“Neftçi”-“Zirə” matçında heç-heçə qeydə alınıb
Bakı, 24 fevral, AZƏRTAC
Fevralın 24-də futbol üzrə Topaz Premyer Liqasının XVI turunda “Neftçi” klubu doğma meydanda “Zirə”ni qəbul edib.
AZƏRTAC xəbər verir ki, “Bakcell Arena”da keçirilən oyunda hesabı meydan sahibləri açıblar. Matçın 22-ci dəqiqəsində İqnasio Hererra “Neftçi”ni hesabda önə çıxarıb – 1:0. Bu qoldan səkkiz dəqiqə sonra Komal Uiliams oyunda hesabı bərabərləşdirib – 1:1.
Birinci hissə bu hesabla başa çatıb.
Qarşılaşmanın 76-cı dəqiqəsində “Zirə”nin heyətində İlkin Muradov qırmızı vərəqə ilə cəzalandırılaraq komandasını meydanda sayca azlıqda qoyub. Komandaların cəhdlərinə baxmayaraq, qarşılaşmanın sonunadək hesab dəyişməyib və oyun heç-heçə başa çatıb.
Bu görüşdən sonra “Neftçi” 20 xalla beşinci yerdəki mövqeyini qoruyub. “Zirə” klubu isə 32 xalla turu üçüncü pillədə başa vurub.
XVII tura fevralın 25-də keçiriləcək “Keşlə”-“Sumqayıt” və “Qarabağ”-“Kəpəz” görüşləri ilə yekun vurulacaq.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir