Rusiya Xəzər Dəniz Flotiliyasının hərbi gəmiləri Bakıya gəlib VİDEO
Bakı, 19 sentyabr, AZƏRTAC
Rusiya Federasiyası Hərbi Dəniz Donanmasının Xəzər Dəniz Flotiliyasının “Velikiy Ustyuq” kiçik raket gəmisi və “MB-58” dəniz yedəyi sentyabrın 19-da Bakıya dostluq səfərinə gəlib.
Müdafiə Nazirliyinin mətbuat xidmətindən AZƏRTAC-a bildiriblər ki, gəmilərin şəxsi heyəti əvvəlcə Şəhidlər xiyabanını ziyarət edərək, “Əbədi məşəl” abidə kompleksinin önünə əklil və gül dəstələri qoyublar.
Səfər çərçivəsində qonaqlar Azərbaycan Respublikası Hərbi Dəniz Qüvvələrinin komandanlığı ilə görüşəcək və Azərbaycan Ali Hərbi Məktəbindəki tədris prosesi ilə tanış olacaqlar.
Proqram çərçivəsində mədəni və tarixi abidələrlə tanışlıq məqsədilə gəmi heyətlərinin Bakıda gəzintisi, həmçinin futbol üzrə yoldaşlıq görüşünün keçirilməsi planlaşdırılır.
Səfər sentyabrın 22-dək davam edəcək.
Müdafiə Nazirliyi: Gənc əsgərlərin hazırlığına xüsusi diqqət yetirilir VİDEO
Azərbaycan-Ermənistan şərti sərhədindəki mövcud əməliyyat şəraiti təhlil edilib VİDEO
Hərbi liseyin 53 illik yubileyinə həsr olunmuş təntənəli mərasim keçirilib VİDEO
"Xəzər səması-2024" birgə taktiki təlimi keçirilib VİDEO
Hərbi pilotlar təlim-məşq uçuşlarını yüksək peşəkarlıqla icra ediblər VİDEO