Bakı, 29 yanvar (AzərTAc). “Azərbaycan İnformasiya və Kommunikasiya Texnologiyaları Sənayesi Assosiasiyası” İctimai Birliyinin yaradılması üzrə zəruri tədbirlər görülmüş, müvafiq normativ-hüquqi sənədlər hazırlanmış və qurum Ədliyyə Nazirliyi tərəfindən qeydiyyata alınmışdır.
Ölkəmiz üçün yeni sahə olan informasiya texnologiyaları (İT) sektoru dinamik inkişaf etməkdədir. Son 5 ildə İT sektoru 2,5 dəfə genişlənmiş, ötən ildə isə əvvəlki illə müqayisədə 1,4 dəfə artmışdır. 2011-ci ildə ölkənin İT sahəsində artım maqnit və optik daşıyıcıların istehsalında 2,1 dəfə, elektron və radioelementlərin istehsalında 37,2 faiz, elektron platalarının istehsalında 22,6 faiz olmuşdur.