Bakı, 31 avqust, AZƏRTAC

Vaşinqton administrasiyası Tehrana təzyiqi artırmaq məqsədilə İranın müxtəlif strukturlarına həftəlik sanksiyalar tətbiq etməyi planlaşdırır.
AZƏRTAC xəbər verir ki, bu barədə ABŞ-nin maliyyə naziri Skott Bessent “Reuters” agentliyinə müsahibəsində deyib.
O bildirib ki, sanksiyalar hər həftə əhəmiyyətli dərəcədə artacaq: “Biz banklardan başlayırıq. Onlara İran pullarını saxlamağın və rejimi dəstəkləməyin qəbuledilməz olduğunu deyəcəyik".
Bessent əlavə edib ki, ABŞ 31 avqust - 1 sentyabr tarixlərində Şimali Karolinanın Aşvill şəhərində keçiriləcək G20 maliyyə nazirlərinin görüşündə digər ölkələrin nümayəndələrini İranla əlaqələrə görə sanksiyaların mümkünlüyü barədə xəbərdar edəcək.