Bakı, 28 avqust, AZƏRTAC

Kosovonun Priştina şəhərində keçirilmiş Avropa birinciliyinin yekunlarına əsasən, Azərbaycan atleti Musab Məmmədtağıyev qitəmiqyaslı yarışın ən yaxşı kişi idmançısı adını qazanıb.
AZƏRTAC xəbər verir ki, o, ən yaxın izləyicisi olan Ermənistan idmançısı Tiqran Avetisyanı 18 əmsal üstələyib. Xatırladaq ki, Musab Məmmədtağıyev 70 kiloqram çəki dərəcəsində 3 qızıl medal qazanmışdı.
Digər mükafat isə oğlan atletlərin çıxışı ilə bağlıdır. Azərbaycan millisi toplamda qazandığı medalların sayına və əyarına görə 24 komanda arasında 5-ci olub.
Burada da idmançılarımız Ermənistan kollektivini geridə qoyub.