Bakı, 25 avqust, AZƏRTAC

Rusiyanın Krasnoyarsk diyarında meşə yanğınlarının sahəsi son 24 saat ərzində 34 min hektar artaraq 439 min 400 hektara çatıb.
AZƏRTAC TASS-a istinadla xəbər verir ki, bölgənin üç rayonunda -Evenki, Turuxansk və Yeniseydə yanğınlar davam edir.
Yaşayış məntəqələri üçün təhlükə yoxdur. Yanğınların söndürülməsində 647 nəfər iştirak edir.

06:29

Rusiyanın Yakutiya bölgəsində aktiv meşə yanğınlarının sahəsi 1,2 milyon hektardan çoxdur.
AZƏRTAC TASS-a istinadla xəbər verir ki, bu gün regionda 60 aktiv meşə yanğını qeydə alınıb.
Yanğınların qarşısını almaq üçün təyyarələrdən də istifadə olunur.
Məlumata görə, Yakutiyada iyulun 10-dan fövqəladə vəziyyət elan edilib, 14 bələdiyyədə xüsusi yanğın təhlükəsizliyi qaydaları tətbiq olunub.