Ağstafa, 20 avqust, AZƏRTAC
Ağstafada yol-nəqliyyat hadisəsi baş verib.
AZƏRTAC-ın bölgə müxbirinin məlumatına görə, hadisə Bakı–Qazax magistral yolunun rayon ərazisindən keçən hissəsində qeydə alınıb. Belə ki, hərəkətdə olan "Tofaş" və "Hyundai" markalı minik avtomobilləri toqquşub. Zərbənin təsirindən "Tofaş" markalı minik maşını idarəetmədən çıxaraq yolun hərəkət hissəsinə aşıb. Nəticədə iki nəfər xəsarət alıb. Yaralılar xəstəxanaya yerləşdirilib, onların vəziyyətinin orta-ağır olduğu bildirilir. Hadisə yerinə polis əməkdaşları cəlb edilib.
Faktla bağlı araşdırma aparılır.

_{Müxbir -Ruslan Novruzoğlu}