Bakı, 20 avqust, AZƏRTAC

Bu ilin yanvar-iyul aylarında Azərbaycanda 59 min 656,9 ton duz istehsal olunub. Bu da əvvəlki ilin eyni dövrü ilə müqayisədə 25,3 faiz çoxdur.
AZƏRTAC xəbər verir ki, bu barədə Dövlət Statistika Komitəsi məlumat yayıb.
Avqustun 1-i vəziyyətinə sənaye müəssisələrinin anbarlarında hazır məhsul ehtiyatı ötən ilin eyni dövrü ilə müqayisədə 77,5 faiz artaraq 26,8 ton qeydə alınıb.
Qeyd edək ki, 2025-ci ilin yanvar-iyul aylarında ölkədə duz istehsalı 47 min 604,8 ton, hazır məhsul ehtiyatı isə 15,1 ton təşkil edib.