İsmayıllı, 20 avqust, AZƏRTAC

İsmayıllı rayonunda 2 nəfərin ölümü ilə nəticələnən yol qəzası baş verib. Hadisə Muğanlı-İsmayıllı avtomobil yolunda qeydə alınıb.
AZƏRTAC-ın bölgə müxbiri xəbər verir ki, günorta saatlarında magistral yolda hərəkətdə olan 2 minik avtomobili toqquşub. Qəza nəticəsində avtomobillərdən birində olan 2 nəfər həyatını itirib.
Daxili İşlər Nazirliyinin mətbuat xidmətinin regional qrupundan AZƏRTAC-ın bölgə müxbirinə bildirilib ki, faktla bağlı cinayət işi başlanılıb və araşdırma aparılır.

_{Müxbir - Rəşad Türkoğlu}