Bakı, 6 avqust, AZƏRTAC

Tam (11 illik) və ümumi (9 illik) orta təhsil bazasında orta ixtisas təhsili müəssisələrinin qabiliyyət tələb edən ixtisaslarına qəbul üzrə keçirilən qabiliyyət imtahanları başa çatıb.
Dövlət İmtahan Mərkəzindən AZƏRTAC-a bildirilib ki, 11 illik təhsil bazası üzrə qabiliyyət imtahanlarında iştirak üçün qeydiyyatdan keçənlərin sayı ötən illə müqayisədə 39 faiz artaraq 3 332 nəfərə çatıb. İmtahanlarda 1369 abituriyent müsbət nəticə göstərib. Müsbət nəticə göstərənlərin payı isə 2025-ci ildəki 34,52 faizdən bu il 41,1 faizə yüksəlib. Bu göstəricilər müraciət edən abituriyentlərin sayının artması ilə yanaşı, nəticələrin də yaxşılaşdığını göstərir.