Kiyev, 5 avqust, AZƏRTAC

Rusiya ordusunun Kiyev vilayətinə endirdiyi raket zərbələri nəticəsində 14 mülki şəxs həlak olub.
AZƏRTAC xəbər verir ki, bu barədə Kiyev Vilayət Hərbi Administrasiyasının rəhbəri Timur Tkaçenko məlumat verib. Onun sözlərinə görə, ən çox itki Brovarı rayonunda baş verib, burada doqquz nəfər həlak olub. Hava hücumu nəticəsində Buça rayonunda daha dörd mülki şəxsi həlak olub. Fastiv rayonunda isə daha bir nəfər ölüb.
Timur Tkaçenko bildirib ki, hava hücumu zamanı Kiyev vilayətinin 22 sakini yaralanıb. Brovarı rayonunda on iki, Fastiv rayonunda üç, Buça rayonunda isə yeddi nəfər yaralanıb.
Bütün yaralılara lazımi tibbi yardım göstərilir.