Bakı, 14 iyun, AZƏRTAC

Şimali Koreyanın Xarici İşlər Nazirliyi ABŞ-nin nüvə silahlarından imtina etmək çağırışına cavab verib. Nazirlik bildirib ki, Şimali Koreya nüvə gücü olaraq qalacaq və nüvəsizləşdirmə məsələsi bağlı qalacaq.
AZƏRTAC xəbər verir ki, bu barədə KCNA xəbər agentliyinin məlumatında bildirilir. Nazirlik qeyd edib ki, ABŞ və müttəfiqlərinin ittihamları Şimali Koreyanın nüvə dövləti statusuna heç bir təzyiq göstərə bilməz. Bundan əlavə, Şimali Koreya Xarici İşlər Nazirliyi ABŞ-nin Cənubi Koreya və Yaponiyaya silah transferi, eləcə də bu ölkələrin nüvə təlimləri qarşısında ölkənin təhlükəsizliyini gücləndirmək üçün addımlar atacağını vurğulayıb.