Qahirə, 13 iyun, AZƏRTAC
Oman sahilləri yaxınlığında naməlum mərminin düşməsi nəticəsində tanker gəmisinin ön hissəsi zədələnib.
AZƏRTAC “əl-Ərəbiyyə” telekanalına istinadla xəbər verir ki, bunu Britaniya Dəniz Ticarət Əməliyyatları İdarəsi bildirib.
Qeyd olunub ki, hadisə Oman sahillərindən şərqdə, 6 dəniz mili məsafədə baş verib.
Vurğulanıb ki, ekipajın vəziyyəti yaxşıdır. Hər hansı ekoloji fəsad barədə məlumat verilməyib. Həmçinin qeyd olunub ki, tanker növbəti dayanacaq limanına doğru üzməkdə davam edib.