Bakı, 26 may, AZƏRTAC
Milli Hidrometeorologiya Xidmətinin mayın 26-sı saat 16:00-a olan məlumatına əsasən, Bakıda və Abşeron yarımadasının bir sıra yerlərində intensiv xarakterli qısamüddətli yağış yağıb, bəzi ərazilərə dolu düşüb.
Xidmətdən AZƏRTAC-a verilən məlumata görə, dolunun diametri 4 millimetrədək qeydə alınıb.
Hazırda Bakıda və Abşeron yarımadasının bəzi ərazilərində yağışın intensivliyi tədricən zəifləyib, yaxın saatlarda kəsiləcəyi gözlənilir.