Qazaxıstanın Aktau şəhərində Atom Elektrik Stansiyasının tikintisi təklif olunur
Astana, 30 iyun, AZƏRTAC
Mangistau vilayətinin mərkəzi olan Aktau şəhərində kiçik Atom Elektrik Stansiyası (AES) inşa edilə bilər.
AZƏRTAC xəbər verir ki, bu barədə Qazaxıstan Nüvə Cəmiyyəti Assosiasiyasının sədri İrina Tacibayeva bildirib.
Tacibayeva yaxın illərdə gözlənilən enerji çatışmazlığını azaltmaq üçün böyük stansiyanın tikilməsinin vacib olduğunu vurğulayıb.
"Əgər biz öyrənmək istəyiriksə, kiçik stansiyalardan başlamaq olar. Məsələn, Qazaxıstanın qərbində kiçik stansiyalar işə sala bilərik", - deyə o vurğulayıb.
Qeyd edək ki, 1973-cü ildə Şevçenko (indiki Aktau) şəhərində quraşdırılmış, elektrik gücü 175 MV olan "BN-350" reaktoru işə salınıb. Həmin reaktor 1999-cu ilə qədər fəaliyyət göstərib.
Bu reaktor vasitəsilə elektrik enerjisi istehsal edilib, buxar yaradılıb və Xəzər dənizinin suyu şirinləşdirilib. Hazırda reaktorun istismardan çıxarılması prosesi davam edir.
Elşən Rüstəmov
AZƏRTAC-ın xüsusi müxbiri
Astana
Hindistanda dini ibadətgahdakı izdihamda ölənlərin sayı 116-ya çatıb
Macarıstan Ukrayna ilə qlobal əməkdaşlıq sazişi imzalamaq istəyir
Ermənistanın xarici işlər naziri Ararat Mirzoyan Tbilisiyə rəsmi səfər edəcək
Britaniyada 1,8 milyon tələbənin azı 50 min funt-sterlinqlik borcu var
Hindistanda dini ibadətgahda baş verən izdihamda 107 nəfər ölüb