Zemfira Meftahətdinova: Bakının dünyanın “İdman paytaxtı” seçilməsi ən düzgün qərar idi
Bakı, 6 may, AZƏRTAC
“Bakının dünyanın “İdman paytaxtı” seçilməsi ən düzgün qərar idi. Çünki Azərbaycan idman ölkəsi kimi öz adından söz etdirməyi bacarıb”.
Bu sözləri AZƏRTAC-a açıqlamasında Azərbaycan Atıcılıq Federasiyasının və Milli Olimpiya Komitəsinin vitse-prezidenti Zemfira Meftahətdinova Bakı şəhərinin 2026-cı il üçün dünyanın "İdman paytaxtı" seçilməsi barədə danışarkən deyib.
O, Azərbaycanın paytaxtının mötəbər ada layiq görüldüyünə görə xoşbəxt olduğunu bildirib: “Ölkəmiz Avropa Oyunları, dünya çempionatları kimi mühüm yarışlara ev sahibi edib. Qazandığımız nəticələr də möhtəşəmdir. Azərbaycan xalqını gözəl xəbər münasibətilə təbrik edirəm. 2026-cı il bütün idmançılarımız üçün düşərli olsun”.
Qeyd edək ki, Avropa İdman Paytaxtları və Şəhərləri Federasiyası Bakı şəhərini 2026-cı il üçün dünyanın “İdman paytaxtı” seçib.
Anna Skidan Polşada keçirilən turnirdə qızıl medal qazanıb
Azərbaycanın üç cüdoçusu dünya çempionatında mübarizəyə başlayır
İngiltərədə 11 yaşdan kiçik futbolçulara topa başla vurmaq qadağan ediləcək
“Real Madrid” 2025-ci ildə Mak Allister ilə müqavilə imzalaya bilər
Basketbol üzrə Azərbaycan çempionatında bürünc medalların sahibi bəlli olub