Bakı şəhəri dünyanın “İdman Paytaxtı” seçilib VİDEO
Bakı, 6 may, AZƏRTAC
Avropa İdman Paytaxtları və Şəhərləri Federasiyası Bakı şəhərini 2026-cı il üçün dünyanın “İdman Paytaxtı” seçib.
Gənclər və İdman Nazirliyindən AZƏRTAC-a verilən məlumata görə, bu gün beynəlxalq təşkilatdan ölkəmizə göndərilmiş rəsmi məktubda Bakı şəhərinin bu statusa layiq görüldüyü təsdiqlənib.
Azərbaycanda əhalinin sağlamlığının möhkəmləndirilməsi, yüksək standartlara uyğun mövcud idman infrastrukturu və idmanın təbliği üçün görülən nümunəvi fəaliyyət yüksək qiymətləndirilib.
Qeyd edək ki, gələn ilin sonunda Belçikanın Brüssel şəhərində, Avropa Parlamentində Bakı şəhərinin dünyanın “İdman Paytaxtı” olaraq rəsmi təqdimat mərasiminin keçirilməsi planlaşdırılır.
Azərbaycanın üç cüdoçusu dünya çempionatında mübarizəyə başlayır
İngiltərədə 11 yaşdan kiçik futbolçulara topa başla vurmaq qadağan ediləcək
“Real Madrid” 2025-ci ildə Mak Allister ilə müqavilə imzalaya bilər
Basketbol üzrə Azərbaycan çempionatında bürünc medalların sahibi bəlli olub