Lionel Messi MLS-də yeni rekorda imza atıb
Bakı, 6 may, AZƏRTAC
ABŞ-ın "İnter Mayami" klubunun futbolçusu Lionel Messi MLS-də “Nyu-York Red Bullz”a qarşı keçirilmiş oyunda (6-2) yeni rekordlara imza atıb.
AZƏRTAC Beynəlxalq Futbol Tarixi və Statistikaları Federasiyasının (IFFHS) rəsmi saytına istinadən xəbər verir ki, 36 yaşlı hücumçu komandasının 6 qolunun hamısının vurulmasında yaxından iştirak edib. Argentinalı forvard bu görüşdə 1 qol və 5 məhsuldar ötürmə ilə yadda qalıb.
Ulduz oyunçu karyerasında heç vaxt bir matçda bu qədər assist etməyib. Forvard buna qədər 7 fərqli qarşılaşmada 5 qolun vurulmasında əsas pay sahibi olub.
O, həmçinin MLS-də bu göstəriciyə çatan ilk oyunçu kimi tarixə düşüb.
Qeyd edək ki, Lionel Messi 2023-cü ilin yayından “İnter Mayami”nin formasını geyinir.
Azərbaycanın üç cüdoçusu dünya çempionatında mübarizəyə başlayır
İngiltərədə 11 yaşdan kiçik futbolçulara topa başla vurmaq qadağan ediləcək
“Real Madrid” 2025-ci ildə Mak Allister ilə müqavilə imzalaya bilər
Basketbol üzrə Azərbaycan çempionatında bürünc medalların sahibi bəlli olub