Avropa Kuboku: Azərbaycan gimnastı lentlə hərəkətlərdə dördüncü olub
Bakı, 5 may, AZƏRTAC
Bakıda keçirilən Avropa Kubokunda böyük fərdi gimnastlar arasında üç fərqli proqramda qaliblər müəyyənləşib.
AZƏRTAC xəbər verir ki, haqla ilə hərəkətlərdə italiyalı Sofiya Raffaeli (35,050 xal) qızıl, bolqarıstanlı Boryana Kalein (33,600) gümüş, kiprli Vera Tuqolukova (33,100) isə bürünc medal qazanıblar. Azərbaycan təmsilçisi Zöhrə Ağamirova isə 31,650 xal toplayaraq səkkizinci pillədə qərarlaşıb.
Topla çıxışda isə bolqarıstanlı Boryana Kalein (34,350) birinci, rumıniyalı Kristina Draqan (34,150) ikinci, israilli Daniela Munitz (33,850) üçüncü yeri tutublar. Bu dəfə hakimlərdən 33,350 xal alan Zöhrə Ağamirova altıncı sırada yer alıb.
Gimnastımız daha sonra lentlə hərəkətlərdə bacarığını nümayiş etdirib. O, 31,800 xalla dördüncü sırada qərarlaşıb. Bu proqramda Boryana Kalein (32,950) qızıl, Vera Tuqolukova (32,350) gümüş, Sofiya Raffaeli (32,250) isə bürünc mükafata sahib olublar.
Milli Gimnastika Arenasında təşkil edilən bədii gimnastika üzrə Avropa Kubokunda 37 ölkəni təmsil edən 160 idmançı iştirak edir. Turnirə bu gün - mayın 5-də yekun vurulacaq.
İngiltərədə 11 yaşdan kiçik futbolçulara topa başla vurmaq qadağan ediləcək
“Real Madrid” 2025-ci ildə Mak Allister ilə müqavilə imzalaya bilər
"Gəncə" Azərbaycan millisinin voleybolçusunu transfer edib
Qızıl Avropa Liqası: Azərbaycanın voleybol millisi Slovakiyaya məğlub olub
Bakıda keçiriləcək Avropa çempionatında iştirak edəcək Azərbaycan güləşçiləri bəlli olub