Gənc bioloqlardan “Biz irəlidəyik” adlı ekoloji aksiya təşəbbüsü
Bakı, 4 may, AZƏRTAC
İrəlidə olub təbiətlə dostluğun nümunəsini təbliğ etmək məqsədilə Bakı Dövlət Universitetinin (BDU) Biologiya fakültəsinin bir qrup tələbəsi Abşeron Milli Parkında ekoloji aksiya keçirib.
Ekologiya və Təbii Sərvətlər Nazirliyinin mətbuat xidmətindən AZƏRTAC-a verilən məlumata görə, “Yaşıl dünya naminə həmrəylik ili”nin cəmiyyətimiz üçün dəyərini çatdıran, ətraf mühitin mühafizəsinə dəstək olmaq üçün “Biz irəlidəyik” çağırışı ilə gəncləri həmrəyliyə səsləyən tədbir Abşeron Milli Parkının dəstəyi, BDU-nun Biologiya fakültəsinin təşkilatçılığı ilə reallaşıb.
Aksiya çərçivəsində bioloqlar iqlim dəyişmələrinin təsirlərinin yumşaldılması ilə mübarizədə sağlam həyatı və karbon emissiyalarının azaldılmasını təşviq edən veloyürüşə qoşulub.
Tələbələr antropogen təsirlərdən, iqlim dəyişmələrinin yaratdığı fəsadlardan azalma riski olan növlərə diqqəti cəlb etmək üçün Abşeron Milli Parkında qorunan Bakı cuzqunu və Bakı gəvəni bitkilərinə baxış keçirib, mühafizə vəziyyəti ilə tanış olublar.
Gənclərin təbiətimizə qarşı həssas və qayğıkeş münasibətinin formalaşmasında ekoloji turizmin inkişafının vacibliyini nümayiş etdirmək üçün Şahdiliyə yürüş də ekoloji aksiyanın tərkib hissəsi kimi təqdim olunub.
Gənc bioloqlar təbiətimizin mühafizəsinə dəstək üçün “Biz irəlidəyik” aksiyasını “Yaşıl dünya naminə həmrəylik ili”ndə digər milli parklarda da davam etdirməyi, bu işdə gənc nəslin həmrəy olmasını hədəfləyirlər.
Həştərxanda növbəti Xəzər Media Forumu keçiriləcək
Vəkillər Kollegiyasının rəhbərliyi hakim təyin olunan vəkilləri təltif edib
FHN: İntensiv yağışlar səbəbindən Kürdəmir və Saatlıda bəzi ərazilər subasmaya məruz qalıb VİDEO
“Redaksiya siyasəti və peşə davranış qaydaları” mövzusunda təşkil olunan təlim proqramı başa çatıb
Salyan rayonundakı regional seminar-müşavirə yanğın təhlükəsizliyinin təmin edilməsinə həsr olunub