Dövriyyəsi məhdudlaşdırılan narkotik vasitələrin və psixotrop maddələrin siyahısında dəyişiklik edilir
Bakı, 16 aprel, AZƏRTAC
Azərbaycanda dövriyyəsi məhdudlaşdırılan narkotik vasitələrin və psixotrop maddələrin siyahısında dəyişiklik edilir.
AZƏRTAC xəbər verir ki, bununla bağlı məsələ Milli Məclisin Hüquq siyasəti və dövlət quruculuğu komitəsinin aprelin 16-da keçirilən iclasında birinci oxunuşda müzakirəyə çıxarılıb.
“Azərbaycan Respublikasının ərazisində dövriyyəsi qadağan edilmiş, məhdudlaşdırılmış və nəzarət edilən narkotik vasitələrin, psixotrop maddələrin, habelə Azərbaycan Respublikasının ərazisində idxalına, ixracına, tranzit nəql edilməsinə və istehsalına lisenziya tələb olunan prekursorların siyahılarının təsdiq edilməsi haqqında” Qanuna dəyişiklikləri özündə əks etdirən qanun layihəsinə əsasən dekstrometorfan və buprenorfin dərman vasitələrinin adları dövriyyəsi məhdudlaşdırılan psixotrop maddələr siyahısından çıxarılıb.
Sənədə görə, dekstrometorfan (başqa mürəkkəb tərkibli dərman preparatlarının tərkibində nəzarətdə saxlanılmır) və buprenorfin Azərbaycan Respublikasının ərazisində dövriyyəsinə nəzarət edilən psixotrop maddələr sırasına daxil edilib.
Ankarada Əhməd Cavad adına İnstitut yaradılacaq
Sabunçuda arvadını qətlə yetirməkdə şübhəli bilinən şəxslə bağlı cinayət işi başlanılıb
Sabunçuda həyat yoldaşını qətlə yetirməkdə şübhəli bilinən şəxs saxlanılıb
Azərbaycanda mayın 6-na gözlənilən hava proqnozu
Göyçayda avtomobili narkotik vasitənin təsiri altında idarə edən sürücü saxlanılıb