Bərdə, 10 aprel, AZƏRTAC

Qarabağ iqtisadi rayonunda yerləşən “N” saylı hərbi hissələrdə hərbi qulluqçuların vətənpərvərlik ruhunda tərbiyə olunması istiqamətində tədbirlər keçirilib.
Gəncə Qarnizonunu İdeoloji və Mədəniyyət Mərkəzindən AZƏRTAC-ın bölgə müxbirinə bildirilib ki, Bakı Dövlət Universitetinin Azərbaycan tarixi kafedrasının dosenti Boran Əzizin iştirakı ilə keçirilən tədbirlərdə Azərbaycan tarixinin XIX-XX əsrlər dövrü, Azərbaycan Xalq Cümhuriyyətinin yaranması və fəaliyyəti, XX əsrin sonlarında dövlət müstəqilliyinin bərpa edilməsi ilə bağlı söhbətlər aparılıb.
Hərbi qulluqçuların mövzu ilə bağlı sualları cavablandırılıb, xatirə şəkilləri çəkdirilib.