Seneqalda yeni hökumət formalaşıb
Bakı, 6 aprel, AZƏRTAC
Seneqalda 25 nazir və 5 dövlət katibinin daxil olduğu yeni hökumət formalaşıb.
AZƏRTAC xəbər verir ki, bu barədə Seneqal Mətbuat Agentliyi məlumat yayıb.
İnteqrasiya və xarici işlər naziri vəzifəsini hökumətdəki 4 qadından biri olan Yasin Fal tutub. General Biram Diop müdafiə naziri, Jan-Batist Tin daxili işlər naziri, Usman Dian isə ədliyyə naziri olub.
İqtisadiyyat, planlaşdırma və əməkdaşlıq naziri vəzifəsinə Əbdürrəhman Sarr, balıqçılıq, dənizçilik və liman infrastrukturu naziri vəzifəsinə Fatu Diuf, energetika, neft və mədən sənayesi naziri vəzifəsinə Biram Suley Diop təyin olunub.
Aprelin 2-də Seneqal Prezidenti Bassiru Diomaye Faye Baş nazir vəzifəsinə Usmane Sonkonu təyin edib.
Banqladeşdə isti hava dalğası nəticəsində 15 nəfər ölüb
Qazaxıstan və Vyetnam arasında vizasız rejim mayın 25-də qüvvəyə minəcək
Almaniya Moskvadakı səfirini geri çağırır
Pakistan hava çirklənməsi ilə mübarizə kampaniyasına başlayıb
Dmitri Peskov: Qərb NATO əsgərlərini Rusiya hərbçiləri ilə qarşı-qarşıya gətirmək istəyir