Bakı, 6 aprel, AZƏRTAC

Çin şirkəti sertifikatlı uçan avtomobillər istehsal etməyə hazırlaşır.
AZƏRTAC Sinxua agentliyinə istinadla xəbər verir ki, Slovakiyanın “Klein Vision” şirkəti Çin bazarı üçün uçan avtomobillərin istehsal və satış icazəsini Şimali Çinin Hebei əyalətinin Cangzhou şəhərində yerləşən “Hebei Jianxin Flying Car Technology” şirkətinə satdığını açıqlayıb.
Quruda və havada istifadə üçün nəzərdə tutulmuş avtomobil saatda 300 kilometrə qədər uçuş sürəti və 1000 kilometrdən çox uçuş məsafəsi ilə 3 dəqiqə ərzində avtomobildən təyyarəyə çevrilə bilir.
Avtomobil Avropa Aviasiya Təhlükəsizliyi Agentliyinin standartlarına uyğun olan 70 saatlıq ciddi uçuş sınaqlarını başa vurduqdan sonra Slovakiya Nəqliyyat İdarəsi tərəfindən “Uçuşa Yararlılıq Sertifikatı” alıb.