Şotlandiya Milli Partiyasına yeni lider seçilib
London, 6 may, AZƏRTAC
Con Svinni Şotlandiya Milli Partiyasının yeni lideri seçilib.
AZƏRTAC xəbər verir ki, o, partiya liderliyinə yeganə namizəd olub. Con Svinni ötən həftə istefa verən Şotlandiya Milli Partiyasının lideri Hamza Yusifi əvəzləyəcək.
Milli partiyanın lideri seçilməyindən böyük şərəf duyduğunu deyən Con Svinni vurğulayıb ki, partiyasına və ölkəsinə xidmət etmək üçün əlindən gələni edəcək.
Onun yaxın günlərdə Şotlandiyanın növbəti birinci naziri olacağı gözlənilir. Bunun üçün parlamentin təsdiqini almaq lazımdır.
Şotlandiya Milli Partiyasının parlamentdə 63 deputatı var, bu isə 129 üzvün olduğu parlamentdə səs çoxluğu qazanmağa kifayət etmir. Bunun üçün ya digər partiyalardan olan deputatlar Con Svinniyə səs verməli, ya da səsvermədə bitərəf qalmalıdırlar.
Aytən Abbaslı
AZƏRTAC-ın xüsusi müxbiri
London
Silahlı qruplaşma Sudanda 8 mülki şəxsi öldürüb
Almaniya Müdafiə Nazirliyi Ukraynaya dəstək üçün hökumətdən əlavə 3,8 milyard avro tələb edib
Pol Makkartni ilk britaniyalı milyarder musiqiçidir
Teleqram heşteqlər üzrə axtarış funksiyasını təkmilləşdirmək niyyətindədir
İqlim dəyişikliyi beyin xəstəlikləri olan insanların sağlamlığına mənfi təsir göstərir