Milli Paralimpiya Komitəsinin rəsmisi beynəlxalq təşkilatda yüksək vəzifəyə təyin olunub
Bakı, 3 aprel, AZƏRTAC
Azərbaycan Milli Paralimpiya Komitəsinin Beynəlxalq əməkdaşlıq və ictimaiyyətlə əlaqələr şöbəsinin rəhbəri Rüfət Hacılı yeni vəzifəyə təyin olunub.
Komitədən AZƏRTAC-a verilən məlumata görə, o, Beynəlxalq Görmə Məhdudiyyətli İdmançılar Assosiasiyasının (IBSA) icraçı direktoru təyin edilib.
R.Hacılının beynəlxalq səviyyədə məsul vəzifəyə təyinatı IBSA-nın İdarə Heyətinin onlayn formatda keçirilən son iclasında reallaşıb.
Qeyd edək ki, IBSA özündə 120 ölkədən çox üzvü birləşdirən görmə məhdudiyyətli şəxslərin ən böyük idman təşkilatıdır. Assosiasiya 10 idman növünün koordinasiyası ilə məşğuldur. Bunlardan üçü paralimpiya üzrə paracüdo, qolbol və futbol idman növləridir.
“İlin yeni oyunçusu” mükafatının qalibi müəyyənləşib
“Mançester Yunayted” Premyer Liqada tarixinin ən pis göstəricisini əldə edib
Superliqa: “Fənərbağça” səfərdə vacib xal itirib