Bakıdakı təsnifat turnirində 33 ölkənin güləşçiləri mübarizə aparacaqlar
Bakı, 29 mart, AZƏRTAC
Aprelin 5-7-də Milli Gimnastika Arenasında keçiriləcək güləş üzrə Avropa Olimpiya Təsnifat Turnirində 33 ölkənin idmançıları iştirak edəcəklər.
Azərbaycan Güləş Federasiyasından AZƏRTAC-a verilən məlumata görə, ən çox iştirakçı yunan-Roma güləşində olacaq. 117 idmançı yarışın ilk günündə güləşin klassik növündə mübarizə aparacaq.
Aprelin 6-da qadın güləşi üzrə 83 idmançı lisenziya sahiblərini müəyyənləşdirəcək.
Son yarış günündə isə 97 sərbəst güləşçi xalça üzərinə çıxacaq. Ümumilikdə Bakıda 297 güləşçi “Paris-2024” Yay Olimpiya Oyunlarına vəsiqə uğrunda mübarizə aparacaq.
“İticket” vasitəsilə bilet satışı davam edir. Artıq satışa çıxarılan biletlərin 1/3-i satılıb.
Xatırladaq ki, Avropa Olimpiya Təsnifat Turnirində hər çəkidə iki güləşçi “Paris-2024”ə vəsiqə qazanacaq.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir