BDU Türkiyədə keçirilən beynəlxalq kitabxana və texnologiya festivalında təmsil olunur
Bakı, 25 mart, AZƏRTAC
Bakı Dövlət Universitetinin (BDU) İnformasiya və sənəd menecmenti fakültəsinin əməkdaşları və tələbələri Türkiyənin İstanbul şəhərində keçirilən beynəlxalq kitabxana və texnologiya festivalında iştirak edirlər.
Universitetdən AZƏRTAC-a verilən məlumata görə, martın 23-27-də Türkiyə Cümhuriyyətinin Mədəniyyət və Turizm Nazirliyinin təşkilatçılığı ilə keçirilən festival “Rəqəmsal gələcəyin açarı: Süni zəka təməlli ağıllı kitabxanalar” mövzusuna həsr olunub.
BDU-nun İnformasiya və sənəd menecmenti fakültəsinin dekanı, dosent Ələmdar Cabbarlı, fakültənin dosenti Rəşad Qardaşov festivalın açılış mərasimində çıxış edərək ölkəmizin kitabxana-informasiya infrastrukturu haqqında məlumat veriblər. Beş gün davam edəcək festival müddətində İnformasiya və sənəd menecmenti fakültəsinin tələbələri Nəbibə Məmmədzadə, Səbinə Həşimli, Rəhman Məmmədli və Sənan Qarayev “İnformasiya təhlükəsizliyi”, “Smart kitabxanalar”, “Rəqəmsal arxiv” , “Kitabxanada bulud texnologiyası” mövzularında layihələrini təqdim edəcəklər.
Qeyd edək ki, festivalda süni intellektə, proqram təminatı və kodlaşdırmaya, robototexnikaya, smart kitablara, gündəlik tətbiqlərə və 3D printerlərə dair seminarlar, karyera və təcrübə simulyasiyaları, holoqram nümayişləri, panel və konfranslar, peşəkar seminarlar təşkil olunacaq, konsertlər, bədii tamaşalar kimi mədəni tədbirlər keçiriləcək.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır