AİBNDX: Malların mənşə ölkəsini təsdiq edən sertifikatların verilməsinin fasiləsizliyi bayram günlərində təmin ediləcək
Bakı,19 mart, AZƏRTAC
İxrac olunan malların mənşə ölkəsinin müəyyən edilməsi üzrə ekspertizaların keçirilməsi və belə ekspertizaların nəticələrinə uyğun olaraq malın mənşə ölkəsini təsdiq edən sertifikatların verilməsində fasiləsizliyin təmin edilməsi məqsədilə Antiinhisar və İstehlak Bazarına Nəzarət Dövlət Xidməti (yalnız Bakı KOB Evində göstərilən xidmətlər üzrə), regional bölmələri, eləcə də, xidmətin tabeliyində fəaliyyət göstərən İstehlak Mallarının Ekspertizası Mərkəzi və regional bölmələri bayram günlərində - 22, 23 və 25 mart tarixlərində fəaliyyət göstərəcək.
Dövlət Xidmətindən AZƏRTAC-a bildirilib ki, qeyd edilən tarixlərdə sahibkarlar, iş günlərində olduğu kimi xidmətlərdən yararlanmaq üçün Dövlət Xidmətinə və onun regional bölmələrinə müraciət edə bilərlər.
Bakıda Azərbaycan-Slovakiya biznes forumu keçirilib
® “Azercell” ilk Dayanıqlılıq (ESG) hesabatını açıqlayır
® “Kapital Bank”ın Laçın filialının açılışı baş tutub
® “Moody’s” beynəlxalq reytinq agentliyi “Kapital Bank”ın reytinq qiymətləndirməsini açıqlayıb