"Qarabağ"ın baş məşqçisi: "Bayer"in qalibiyyətində ustalıq və fiziki güc mühüm rol oynadı
Bakı, 15 mart, AZƏRTAC
Çatışmayan cəhətlərimiz var idi. Amma mübarizədən çəkinmədik.
AZƏRTAC xəbər verir ki, bu sözləri UEFA Avropa Liqasının 1/8 final mərhələsində Almaniyada "Bayer"ə 2:3 hesabı ilə məğlub olan "Qarabağ"ın baş məşqçisi Qurban Qurbanov Heydər Əliyev Beynəlxalq Aeroportunda jurnalistlərə açıqlamasında deyib.
Çalışdırıcı məğlubiyyətin səbəblərinə aydınlıq gətirib: "Bundesliqada bu komandanın bir çox oyunlarına nəzər yetirsək görərik ki, son anda vurduqları qolla qələbə qazanıblar. Bu, futbolçuların dözümlülüyündən və düzgün formalaşmasından irəli gəlir. Onlar bu hərarətə öyrəşiblər. Rəqibin qələbə qazanmasında ustalıq və fiziki güc mühüm rol oynadı".
Qeyd edək ki, evdəki ilk matçda "Bayer" ilə 2:2 hesablı heç-heçə edən "Qarabağ" iki görüşün nəticəsinə əsasən Avropa Liqasında mübarizəni dayandırıb.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir