“Muxtariyyət dövründə Naxçıvan ədəbi mühiti” mövzusunda tədbir keçirilib
Naxçıvan, 14 mart, AZƏRTAC
Cəlil Məmmədquluzadə adına Naxçıvan Muxtar Respublika Ədəbiyyat Muzeyində Naxçıvanın 100 illik yubileyinə həsr olunmuş "Muxtariyyət dövründə Naxçıvan ədəbi mühiti" mövzusunda tədbir keçirilib.
AZƏRTAC-ın Naxçıvan bürosu xəbər verir ki, tədbirdə muzeyin direktoru Aləmzər İbrahimova Naxçıvan diyarının Azərbaycanın çoxəsrlik zəngin keçmişində layiqli yer tutduğunu, ictimai-siyasi və elmi-mədəni həyatında özünəməxsus rol oynadığını bildirib.
Naxçıvan ədəbi mühitinin ölkəmizin ədəbiyyatına parlaq simalar, qiymətli əsərlər bəxş etdiyini vurğulayan Naxçıvan Muxtar Respublikası Yazıçılar Birliyinin sədri, Əməkdar mədəniyyət işçisi Asim Əliyev muxtariyyət dövründə Naxçıvanda yaradıcılıqla məşğul olan qələm sahiblərindən bəhs edib, yaradıcılıqlarından nümunələr səsləndirib.
Sonra Azərbaycan Yazıçılar Birliyinin üzvləri Naxçıvan diyarına həsr olunan şeirlər oxuyublar.
Sonda "Naxçıvan Muxtar Respublikası -100" adlı sərgiyə baxış olub.
Şəkidə ümumi orta təhsil səviyyəsi üzrə kolleclərə qəbul imtahanları iki mərkəzdə aparılıb
Gəncədəki Rus Pravoslav Kilsəsində Pasxa bayramı qeyd olunub
Azərbaycanın şimal bölgəsindəki pravoslavlar Pasxa bayramını qeyd edirlər VİDEO
“Təhsildə yeni çağırışlar” - növbəti regional konfrans Xaçmazda təşkil olunub