Andrey Lunyov: Sabah əlimizə düşən fürsətlərdən maksimum istifadə edəcəyik
Bakı, 13 mart, AZƏRTAC
Sabah Almaniyada bizi güclü rəqiblə maraqlı oyun gözləyir.
AZƏRTAC xəbər verir ki, bu sözləri "Qarabağ"ın qapıçısı Andrey Lunyov UEFA Avropa Liqasının 1/8 final mərhələsində Almaniyanın “Bayer” klubuna qarşı keçirəcəkləri oyundan əvvəl təşkil olunan mətbuat konfransında deyib.
Otuz iki yaşlı qolkiper bildirib ki, Leverkuzen təmsilçisi ilə görüşə yüksək motivasiya ilə çıxacaq: "Sabah əlimizə düşən fürsətlərdən maksimum istifadə edəcəyik. Mənim üçün hər oyun vacibdir. Hansı komanda ilə rəqib olmağımızdan asılı olmayaraq, hər görüşə ciddi hazırlaşıram. Rəqibi yaxşı analiz etmişik. Dördüncü dəfədir ki, bu komanda ilə qarşılaşacağıq. Düşünürəm ki, onların oyun üslubuna yaxşı bələdik".
Qeyd edək ki, komandalar arasında Tofiq Bəhramov adına Respublika Stadionunda baş tutan ilk matç 2:2 hesabı ilə yekunlaşıb. Cavab görüşü martın 14-də Bakı vaxtı ilə saat 00:00-da başlayacaq.
Azərbaycan millisi daha bir yoldaşlıq oyunu keçirəcək
Azərbaycan üzgüçüləri beynəlxalq turnirdə 9 medal qazanıblar
Bakı Olimpiya Stadionu dünyanın ən yaxşı 50 arenası sırasına düşüb
Həndbol üzrə Azərbaycan çempionatı: “Kür” və “Bakı” inamlı qələbə qazanıb
Stokholm 2026-cı ildə yelkənli idman üzrə dünya çempionatına ev sahibliyi edəcək