SOCAR-ın Ukraynadakı yanacaqdoldurma məntəqələrində Xocalı soyqırımına dair videoçarx yayımlanır
Kiyev, 26 fevral, AZƏRTAC
Xocalı soyqırımının 32-ci ildönümü ilə əlaqədar fevralın 26-dan 29-dək SOCAR-ın Ukraynadakı yanacaqdoldurma məntəqələrində (YDM) faciəyə dair videoçarx yayımlanır. Həmçinin YDM-lərdə musiqi yayımı dayandırılıb, bayraqlar endirilib.
AZƏRTAC xəbər verir ki, videoçarxda Xocalı soyqırımı barədə maarifləndirici məlumatlar, faciəyə dair fotolar, faktlar yer alır.
“SOCAR Energy Ukraine” şirkətinin məlumatına görə, yanacaqdoldurma məntəqələrinə gələn insanlara bu təbliğat vasitəsilə Xocalı soyqırımı haqqında həqiqətlər çatdırılır.
Hazırda Ukrayna ərazisində “SOCAR Energy Ukraine” şirkətinə məxsus 60-dək yanacaqdoldurma kompleksi fəaliyyət göstərir.
Emil Hüseynli
AZƏRTAC-ın xüsusi müxbiri
Kiyev
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO