Bakı, 26 fevral, AZƏRTAC

Mənfur düşmənin törətdiyi bu qırğını unutmamalıyıq. Azərbaycan xalqına qarşı törədilən bu faciə bəşər dünyasında qəddarcasına törədilmiş ən ağır cinayətlərdən biridir.
Bu sözləri AZƏRTAC-a müsahibəsində müharibə iştirakçısı, ehtiyatda olan mayor İlham Şəbiyev söyləyib.
O qeyd edib ki, Azərbaycan Ordusunda keçirilən mənəvi-ideoloji tədbirlərdə hər zaman Xocalı faciəsi ilə bağlı təbliğat işləri aparılır.
“Şanlı Qarabağ Zəfərindən sonra artıq biz bütöv Azərbaycanın zabitləri olaraq qürurluyuq. Şəhidlərimizin qanı yerdə qalmadı”, - deyə müharibə iştirakçısı vurğulayıb.