Bakı, 26 yanvar, AZƏRTAC

ABŞ-ın “Medium”, İrlandiyanın “EU Reporter”, İspaniyanın “Alquiblaweb”, Argentinanın “Poemas del Alma”, Salvadorun “Reflexiones Internacionales”, Rusiyanın “Litpriçal”, “YaPişu.net”, “Fabulae”, “İzba-çitalnya”, Türkiyənin “Haber232”, “Detay haber” Əlcəzairin “Alharir.info”, İordaniyanın “Cuheynanyus”, “Nəbd əl-bələd”, “əl-Ənbat”, Misirin “Asya əl-yaum”, “Umma”, Mərakeşin “Xəbər əl-yaum”, İraqın “Fikr Hurr”, Gürcüstanın “gaxa.ge”, “QafqazTürk” portalları və “Sakartvelos Respublika” qəzeti Dövlət Tərcümə Mərkəzinin ingilis, ispan, rus, türk, ərəb və gürcü dillərində hazırladığı “Azərbaycan xalqının hüzn və şərəf günü - 20 Yanvar” adlı sənədli mətnin və videoçarxın yayımına başlayıb.
Tərcümə Mərkəzindən AZƏRTAC-a bildirilib ki, videoçarx bəşər tarixinə qanlı vandallıq aktı kimi daxil olmuş məsum 19 yanvar gecəsindən - sovet qoşunlarının, heç bir xəbərdarlıq edilmədən Bakıya daxil olaraq dinc əhaliyə qarşı törətdiyi vəhşiliklərdən bəhs edir.