Lənkəran, 20 yanvar, AZƏRTAC

20 Yanvar şəhidlərinin xatirəsi Azərbaycanın cənub rayonlarında da böyük ehtiramla anılıb.
AZƏRTAC-ın bölgə müxbiri xəbər verir ki, faciənin 34-cü ildönümü ilə əlaqədar Astara, Masallı, Cəlilabad, Lerik, Yardımlı və Biləsuvar rayonlarındakı Şəhidlər xiyabanları ziyarət olunub, anım tədbirləri keçirilib.
Tədbirlərdə rayon icra hakimiyyətlərinin rəhbərləri, yerli sakinlər və ictimaiyyət nümayəndələri Vətənin azadlığı uğrunda canlarından keçən şəhidlərin əziz xatirəsini dərin ehtiramla yad ediblər. Şəhidlərin xatirəsinə ucaldılmış abidə kompleksləri ziyarət olunub, önünə tər çiçək dəstələri düzülüb. Saat 12:00-da 20 Yanvar şəhidlərinin xatirəsi bir dəqiqəlik sükutla yad olunub.