Masazırda tullantıların ətrafa atılması ilə bağlı sosial şəbəkələrdə yayılan məlumat təsdiqini tapıb
Bakı, 21 iyul, AZƏRTAC
Abşeron rayonu, Masazır qəsəbəsi, Ə.Vahid küçəsində tullantıların ətrafa atılması ilə bağlı sosial şəbəkələrdə yayılan məlumat Dövlət Ekoloji Təhlükəsizlik Xidmətinin əməkdaşları tərəfindən araşdırılıb və fakt təsdiqini tapıb.
Xidmət rəsmisi Vaqif Cavadov AZƏRTAC-a bildirib ki, tullantıların qalaqlandığı ərazi Dövlət Ekoloji Təhlükəsizlik Xidmətinin əməkdaşlarının nəzarəti altında Abşeron rayon Abadlıq və Kommunal Xidmətlər İdarəsinin işçiləri tərəfindən təmizlənib.
“Gələcəkdə belə hallara yol verilməməsi və tullantıların qanunvericiliyə uyğun idarə olunması məqsədilə Abadlıq və Kommunal Xidmətlər İdarəsinə məcburi göstəriş verilib”, - deyə xidmət rəsmisi bildirib.
Avqustun 30-u axşamadək əksər rayonlarda hava yağıntılı olacaq
Asif Verdiyev: Yağışlarla əlaqədar əksər çaylarda sululuq artıb
Faktiki hava: Hazırda ölkə ərazisində yağmursuz hava şəraiti hökm sürür
Sabahın hava proqnozu açıqlanıb
Faktiki hava: Bəzi yerlərdə şimşək çaxıb, arabir leysan xarakterli intensiv yağış yağıb