Binəqədi və Nəsimi rayonları ərazisindən qanunsuz torpaq daşındığı müəyyən edilib
Bakı, 20 iyul, AZƏRTAC
Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Bakı şəhərinin Binəqədi və Nəsimi rayonları ərazisindən qanunsuz torpaq daşındığı müəyyən edilib.
Xidmət rəsmisi Qafar Ağayev AZƏRTAC-a bildirib ki, araşdırma zamanı Binəqədi rayonu, Xocəsən qəsəbəsi ərazisindən "Kamaz" markalı, 99-LN-166 dövlət nömrə nişanlı, Nəsimi rayonu, 20 Yanvar metro stansiyasının yaxınlığından isə "Kamaz" markalı, 90-CJ-533 dövlət nömrə nişanlı nəqliyyat vasitələri ilə torpaq daşındığı məlum olub.
“Faktlarla bağlı akt tərtib olunub. Nəqliyyat vasitələrinin sürücülərinin kimliyini müəyyənləşdirmək üçün Daxili İşlər Nazirliyinin Baş Dövlət Yol Polisi İdarəsinə müraciət olunub. Daha sonra qanun pozucularının inzibati məsuliyyətə cəlb olunması üçün qanunamüvafiq tədbirlər görüləcək”, - deyə xidmət rəsmisi bildirib.
Avqustun 30-u axşamadək əksər rayonlarda hava yağıntılı olacaq
Asif Verdiyev: Yağışlarla əlaqədar əksər çaylarda sululuq artıb
Faktiki hava: Hazırda ölkə ərazisində yağmursuz hava şəraiti hökm sürür
Sabahın hava proqnozu açıqlanıb
Faktiki hava: Bəzi yerlərdə şimşək çaxıb, arabir leysan xarakterli intensiv yağış yağıb