Ölkəmiz “Astana – gələcəyin şəhəri” beynəlxalq forumunda təmsil olunub
Bakı, 7 iyul, AZƏRTAC
Qazaxıstanın Astana şəhərinin yaranmasının 25 illiyi münasibətilə “Astana - gələcəyin şəhəri” adlı beynəlxalq forum keçirilib.
AZƏRTAC xəbər verir ki, forum çərçivəsində tibbi turizmə həsr olunmuş plenar toplantı təşkil edilib.
Tədbirdə ölkəmizi Azərbaycan Sağlamlıq və Termal Turizmə Dəstək Assosiasiyasından rəhbəri, Azərbaycan Sahibkarlar Konfederasiyasının “Turizm və xidmət üzrə iş” Komissiyasının sədri Ruslan Quliyev təmsil edib.
Qlobal tibbi turizm bazarının inkişafı üzrə nüfuzlu ekspertlərin iştirakı ilə baş tutan sessiyada bazarın hazırkı vəziyyəti araşdırılıb və onun inkişafının əsas amilləri haqqında təqdimat keçirilib. Qeyd edilib ki, Astana şəhəri üçün tibbi turizmin potensial donor ölkələri Azərbaycan, Rusiya, Qırğızıstan, Özbəkistan, Belarus, Çin və İsraildir.
Tədbirdən sonra iştirakçılar Astanada fəaliyyət göstərən tibbi turizm müəssisələrinə səfər ediblər.
Roma tətilləri: şopinq xüsusiyyətləri
Göllər diyarının cazibədarlığı
Rusiyadan Azərbaycana turist axını 4 dəfə artıb
Qazaxıstanın gəzməli-görməli məkanları - qədim və müasir Çimkənd VİDEO
“MasterChef Türkiye” növbəti verilişini Azərbaycana həsr edib