Bakı, 22 iyun, AZƏRTAC
Dünyanın aparıcı gəmi idarəetmə şirkətlərindən olan “V.Group” nümayəndələri təcrübə mübadiləsi məqsədilə ASCO əməkdaşları ilə keçirdikləri görüşdə “ShipSure” dəniz rəqəmsal platformasının təqdimatını ediblər.
ASCO-dan AZƏRTAC-a bildirilib ki, “V.Group”un nümayəndələri “ShipSure”ın 15 il əvvəl yaradıldığını və bir sıra üstünlüklərə malik olduğunu qeyd ediblər. Əlavə ediblər ki, qlobal gəmi idarəetmə platforması ayrı-ayrı sahələr üzrə məlumatların (əməliyyat, texniki, maliyyə, biznes və donanma məlumatları) toplanmasında və müştərilərə çatdırılmasında mühüm rol oynayır.
İstifadə rahatlığı ilə seçilən proqrama “iOS” və ya “Android” cihazları, o cümlədən kompüterlər vasitəsilə daxil olmaq mümkündür.