Bəzi dağ çaylarından qısamüddətli sel keçəcək – xəbərdarlıq
Bakı, 2 iyun, AZƏRTAC
Ekologiya və Təbii Sərvətlər Nazirliyi gözlənilən qeyri-sabit hava şəraiti ilə əlaqədar əhaliyə xəbərdarlıq edib.
AZƏRTAC xəbər verir ki, qurum iyunun 4-ü gündüz və 5-dən 9-dək güclü küləkli hava şəraiti ilə əlaqədar əhalinin çoxmərtəbəli binaların, irigövdəli ağacların, təhlükə yarada biləcək hasarların yanında durmağı məsləhət görmür.
“Gursululuq dövrü nəzərə alınaraq leysan xarakterli yağışlarla əlaqədar çaylarda sululuğun artacağı və bunun nəticəsində bəzi dağ çaylarından sel keçəcəyi gözlənilir. Buna görə də əhalinin çay hövzələrindən kənarda durmağı məsləhət görülür”, - deyə Ekologiya və Təbii Sərvətlər Nazirliyinin Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova bildirib.
Avqustun 30-u axşamadək əksər rayonlarda hava yağıntılı olacaq
Asif Verdiyev: Yağışlarla əlaqədar əksər çaylarda sululuq artıb
Faktiki hava: Hazırda ölkə ərazisində yağmursuz hava şəraiti hökm sürür
Sabahın hava proqnozu açıqlanıb
Faktiki hava: Bəzi yerlərdə şimşək çaxıb, arabir leysan xarakterli intensiv yağış yağıb