Türkiyəli alimlər UNEC müəllimlərinə təlim keçəcəklər
Bakı, 28 mart, AZƏRTAC
Aprelin 3-8-də Türkiyənin aparıcı universitetlərinin professor-müəllim heyəti tərəfindən Azərbaycan Dövlət İqtisad Universitetində (UNEC) təlimlərə start veriləcək.
UNEC-dən AZƏRTAC-a bildirilib ki, Hacettepe, İstanbul, Ankara, Yıldız Texniki, Qazi, Artvin Çoruh, Ostim Texnik universitetlərindən olan professorlar yaz semestrində tədris olunacaq 10 yeni fənn üzrə UNEC müəllimlərinə təlim keçəcəklər. Təlimlərlə yanaşı, həmin fənlərin mühazirə dərsləri də türkiyəli alimlər tərəfindən tədris olunacaq.
Təlimlər “Mühəndislik materiallarının mexaniki xassələri”, “Zaman sıralarının təhlili”, “Güc elektronika və elektrik intiqalı”, “Polimer mühəndisliyi”, “Materialların təkrar emalı”, “Sosial işin qiymətləndirilməsi”, “Ekoloji biotexnologiya”, “Sosial işdə tədqiqat metodları”, “Müəssisə üçün mobil əlavələrin işlənilməsi”, “Müştəri əlaqələrinin idarə edilməsi” üzrə aparılacaq.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır